27.10.2014
Folklor İnstitutunda Elmi Şuranın növbəti iclası keçirilib
![](images/27.10.2014-2.JPG) 17 oktyabr 2014-cü il tarixində AMEA Folklor İnstitutu Elmi Şurasının növbəti iclası keçirilib. İclası Elmi Şuranın sədri, AMEA-nın müxbir üzvü, fil.ü.e.d. Muxtar İmanov (Kazımoğlu) açaraq gündəlikdəki məsələlər haqqında məlumat verib.
2014-cü ildə yerinə yetirilən elmi-tədqiqat işlərinin vəziyyəti barədə məlumat verən İnstitutun elmi katibi, fil.ü.f.d. E.Abbasov bildirib ki, bu il 20-dən artıq elmi-tədqiqat işi tamamlanacaq. İşlərin rəyləşdirilərək bir ay müddətinə elmi katibliyə təqdim olunması qərara alınıb.
2014-cü il üzrə dissertanturaya qəbulun nəticələri barədə məlumat verən İnstitutun direktoru M.İmanov bildirib ki, İnstitutun dissertanturasına elmlər doktoru proqramı üzrə 2 yer, fəlsəfə doktoru proqramı üzrə isə 3 yer ayrılıb. Müsabiqədən keçmiş iddiaçıların mövzuları Elmi Şurada müzakirə olunub və təsdiq edilib.
Gündəlikdə duran növbəti məsələ - “Qarabağda “Padşah” oyunu” mövzusunda İnstitutun “Folklorun toplanması və sistemləşdirilməsi” şöbəsinin müdiri, fil.ü.f.d. İlkin Rüstəmzadə məruzə edib.
Sonra İ.Rüstəmzadəyə dosent elmi adının verilməsi cari məsələ kimi müzakirə olunub, Elmi Şura üzvləri məsələnin lehinə səs veriblər.
![](images/27.10.2014-1.JPG)
![](images/27.10.2014-3.JPG) |