| 6.6.2014
AMEA FOLKLOR İNSTİTUTU VƏ
“AŞIQ ŞƏMŞİR” MƏDƏNİYYƏT OCAĞI İCTİMAİ BİRLİYİ
13-14 noyabr 2014-cü il tarixində Bakı şəhərində
“ÜMUMTÜRK KONTEKSTİNDƏ QARABAĞ XALQ OYUNLARI VƏ MEYDAN TAMAŞALARI”
mövzusunda beynəlxalq elmi konfrans keçirəcəkdir.
Zəngin tarixi və mədəniyyəti olan Qarabağ 20-ci yüzildə xarici ölkələrin təsiri ilə milli zəmində savaş və toqquşmalar meydanına çevrilmişdir. Nəticədə 700 mindən çox insan ata-baba yurdundan didərgin düşərək köçkünə çevrilmiş, bu isə yeni müstəqillik əldə etmiş Azərbaycanın da, işğalçı Ermənistanın da iqtisadiyyatına, mənəviyyatına ağır zərbə vurmuşdur.
Bölgədəki qeyri-sabit durum yüzillər boyu formalaşmış folklor mühitini də məhv olmaq təhlükəsi ilə üzləşdirmişdir. Zəngin folklorumuz ümumdünya mədəniyyətinin bir hissəsi olduğuna görə AMEA Folklor İnstitutu var gücü ilə çalışır ki, savaşdan, qaçqınlığın doğurduğu sarsıntılardan qurtulub həyatını davam etdirməkdə olan folklor daşıyıcıları ilə sıx əlaqə yaradıb onlardan folklor örnəkləri lentə alsın, kağıza köçürsün. Görülmüş tədbirlər öz bəhrəsini vermiş, 2012-2013-cü illərdə 6 cilidlik “Qarabağ: folklor da bir tarixdir” toplusu çap edilmiş, 26 dekabr 2012-ci il tarixində Bakıda, 15 noyabr 2013-cü il tarixində Ağcabədi şəhərində “Qarabağ folkloru: problemlər, perspektivlər” mövzusunda elmi konfrans keçirilmişdir.
Mövzunun aktuallığını və ötən illərdə keçirdiyimiz konfranslara xarici ölkələrdən də alimlərin qatılmaq istədiyini nəzərə alaraq və diqqəti Qarabağ mədəniyyətinə yönəltmək üçün AMEA Folklor İnstitutu və “Aşıq Şəmşir” Mədəniyyət Ocağı İctimai Birliyi 2014-cü il noyabr ayının 13-14-də “Ümumtürk kontekstində Qarabağ xalq oyunları və meydan tamaşaları” mövzusunda beynəlxalq elmi konfrans keçirməyi qərara almışdır.
Xalqın yaddaşında silinməz izlər buraxan xalq oyunları və meydan tamaşalarının, həm də kompyuter oyunları üçün yeni mövzular verəcəyini güman edirik. Buna görə də biz istər Azərbaycanın, istərsə də digər ölkələrin elm və sənət adamlarının, vizual sahədə çalışan proqramçıların diqqətini bu sahəyə yönəltməyə çalışırıq. Qarabağımız, folklorumuz, mədəniyyətimiz, tariximizlə maraqlanan, bu sahədə mühüm addımlar atılmasını arzulayan hər kəsi nəzərdə tutduğumuz beynəlxalq elmi konfransda iştirak etməyə dəvət edirik.
MÖVZU BAŞLIQLARI:
• Ümumtürk kontekstində xalq oyun və tamaşalarının müqayisəsi.
• Qarabağda tarixən icra edilmiş xalq oyunları və meydan tamaşaları.
• Xalq oyunlarının ritual-mifoloji kökləri.
• Mövsüm və mərasimlə bağlı xalq tamaşaları.
• Xalq oyunlarının musiqi ilə əlaqəsi.
• Uşaq oyunları.
• Xalq oyunlarının xalq mədəniyyətinin digər sahələri ilə əlaqəsi.
• Xalq oyunlarından və meydan tamaşalarından teatr səhnələrində, televiziyada istifadə yolları.
• Kompyuterdə xalq oyunlarından və meydan tamaşalarından oyun proqramları hazırlamaq imkanları.
KONFRANSIN TƏŞKİLAT KOMİTƏSİ
Sədarət:
Fil.ü.e.d. Muxtar İmanov – AMEA Folklor İnstitutunun direktoru
Qənbər Şəmşiroğlu – Şair-publisist, ictimai xadim, “Aşıq Şəmşir” Mədəniyyət Ocağı İctimai Birliyinin sədri
Elmi heyət:
Fil.ü.e.d., prof. Kamran Əliyev - AMEA Folklor İnstitutunun şöbə müdiri
Fil.ü.e.d., prof. Füzuli Bayat - AMEA Folklor İnstitutunun şöbə müdiri
Fil.ü.e.d., akademik Muradqeldi Soeqov – Türkmənistan Milli Elmlər Akademiyası Əlyazmalar İnstitutunun baş elmi işçisi.
Fil.ü.e.d., prof. Baxıtjan Azibaeva – Qazaxıstan, M.O.Auezova adına Ədəbiyyat və İncəsənət İnstitutu Folklorşünaslıq şöbəsinin müdiri.
Fil.ü.e.d., prof. Metin Ekici – Türkiyə, Türk Dünyası Araşdırmaları İnstitutunun başkanı.
Fil.ü.e.d. Seyfəddin Rzasoy - AMEA Folklor İnstitutunun şöbə müdiri
Fil.ü.e.d. Nailə Rəhimbəyli - AMEA Folklor İnstitutunun şöbə müdiri
Fil.ü.f.d. Əfzələddin Əsgər - AMEA Folklor İnstitutunun şöbə müdiri
Fil.ü.f.d. Elxan Məmmədli -AMEA Folklor İnstitutunun şöbə müdiri
Fil.ü.f.d. Ağaverdi Xəlil - AMEA Folklor İnstitutunun şöbə müdiri
Fil.ü.f.d. İlkin Rüstəmzadə - AMEA Folklor İnstitutunun şöbə müdiri
Fil.ü.f.d. Elçin Abbasov - AMEA Folklor İnstitutunun elmi katibi
Fil.ü.f.d. Adil Cəmil - AMEA Folklor İnstitutunun aparıcı elmi işçisi, “Aşıq Şəmşir” Mədəniyyət Ocağı İctimai Birliyi idarə heyətinin üzvü.
Fil.ü.f.d. Afaq Ramazanova - AMEA Folklor İnstitutunun aparıcı elmi işçisi
Fil.ü.f.d. Ə ziz Ələkbərli - AMEA Folklor İnstitutunun aparıcı elmi işçisi
Əli Şamil - AMEA Folklor İnstitutu direktorunun xarici əlaqələr üzrə müşaviri
Katiblik:
Fil.ü.f.d. Fidan Qasımova - AMEA Folklor İnstitutunun böyük elmi işçisi
Gülnar Osmanova - AMEA Folklor İnstitutunun elmi işçisi
Həbib Misirov - “Aşıq Şəmşir” Mədəniyyət Ocağı İctimai Birliyinin sədr müavini.
KONFRANSDA İŞLƏNƏN DİL:
Azərbaycan dili, Türkiyə türkcəsi, rus dili, ingilis dili
KONFRANSIN MÜHÜM TARİXLƏRİ:
01 sentyabr 2014 |
Özətlərin son göndərilmə tarixi |
15 sentyabr 2014 |
Qəbul edilən özətlərin elan edilməsi |
15 oktyabr 2014 |
Məqalənin tam mətninin göndərilməsinin son tarixi |
13-14 noyabr 2014 |
Konfransın keçirilmə tarixi |
MƏRUZƏLƏRİN YAZI QAYDALARI:
• Konfransda iştirak etmək istəyənlər məruzə özətlərini 0 1 sentyabr 201 4 -cü il tarixinədək [email protected] elektron poçt ünvanına göndərə bilərlər.
• Özətlərin qəbul edilib-edilmədiyi haqqında müəlliflərə 15 sentyabr 2014-cü il tarixinədək elektron poçt ünvanı vasitəsi ilə cavab veriləcəkdir.
• Özətlər 150-200 sözdən ibarət olmalıdır.
• Özət və məqalələr e-mail ( [email protected] ) ilə göndərilməlidir.
• Məqalələr kitabda nəşr ediləcək.
• Konfransda iştirak etmək üçün ödəniş tələb edilmir.
• Konfransda iştirak etmək istəyənlərin yol və otel xərcləri özlərinə aiddir.
MƏQALƏLƏRDƏ AŞAĞIDAKI TEXNİKİ QAYDALARA ƏMƏL OLUNMALIDIR:
• Yazı: Microsoft Office Word, Kağız: A4.
• Səhifə qaydası: Üst: 3,5, Alt: 3,5, Sağ: 3,5, Sol: 3,5
• Yazı Puntu: Başlıq 12 şrift ölçüdə, yağlı.
• Məruzə 12 şrift ölçüdə.
• İnterval 1,5.
• İstifadə edilmiş ədəbiyyat siyahısı məruzənin sonunda “Qaynaqlar” yarımbaşlığı altında yazılmalıdır. Ədəbiyyat siyahısı müəlliflərin soyadlarına uyğun olaraq əlifba sırası ilə düzülməli, sıra nömrəsi göstərilməli, məruzədə istifadə edilməyən ədəbiyyat qaynaqlarda göstərilməməlidir. Əgər məruzəçi arxiv sənədlərindən, dissertasiyalardan, əlyazma hüququnda olan materiallardan istifadə etmişsə, onlar da “Qaynaqlarda” göstərilən qaydada yazılmalıdır. “Qaynaqlar”dan sonra üç dildə xülasə (rezüme) verilməlidir.
• Konfrans haqqında məlumatı və anket formasını www.folklorinstitutu.com səhifəsindən əldə etmək olar.
• Konfransda iştirak etməyənlərin məruzələri çap olunmayacaqdır.
• Məruzədə ətək yazısı (snoska) olduqda internet saytında yerləşdirilərkən problemlər yaradır. Buna görə də ətək yazısı (snoska) ilə olan məruzələr qəbul edilmir. Məruzə daxilində qaynaqlar kodlaşdırılmış qayda ilə verilməlidir.
• Hər bir məruzəçi üçün maksimum 20 dəqiqə vaxt ayrılacaqdır. Bölmə iclaslarının sonunda müzakirələr keçiriləcəkdir.
• Elektron poçt ünvanı ilə göndərilməyən və elanda göstərilmiş qaydalar əsasında təqdim edilməyən məruzələr qəbul edilməyəcəkdir.
ÖZƏT GÖNDƏRMƏ FORMASI
(Abstract Submission Form)
Ümumtürk kontekstində Qarabağ xalq oyunları
və meydan tamaşaları
13-14 noyabr 2014
(13 – 14 November 2014)
Azərbaycan – Bakı
ÖZƏT BAŞLIĞI / TITLE OF ARTICLE
Müəllifin adı, soyadı/ Author's title, name, surname |
|
Çalışdığı yer / Institution |
|
Bölüm / Department |
|
E-mail |
|
Ölkə, şəhər / Country, city |
|
Açar sözlər / K eywords |
|
Məqalənin özəti / Abstract
|
|
KONFRANSIN KEÇİRİLƏCƏYİ YER:
Bakı şəhəri
ƏLAQƏ:
E-mail: [email protected]
Telefon: (+99412) 492 92 48
(+99412) 492 93 14
Ünvan: Bakı-1000, İçərişəhər, 8-ci Kiçik Qala döngəsi, 31.
| 
