30.4.2014
Yelizabetta Raqaqnin Folklor İnstitutunun qonağı olub
![](images/29.4.2014-1.JPG)
Kembric Universitetinin professoru Yelizabetta Raqaqnin aprelin 29-da AMEA Folklor İnstitutunun qonağı oldu. Orta Asiya və ərəb ölkələrində musiqi mədəniyyəti ilə bağlı tədqiqatlar aparmış italyan xanım növbəti səfərini Azərbaycana salmaqla xalqımıza məxsus boğaz və qırtlaq səslərinin, ifaçılıq sənətində diqqəti çəkən boğaz qaynatmalarının özəlliklərini öyrənməyə gəlmişdir.
Aşıq, xanəndə, müğənni ifaçılığında bu məqamın səciyyəvi xüsusiyyətlərinə elmi müstəvidə yanaşan professorun tədqiqat obyekti maraqlı olduğundan institutun direktoru, filologiya üzrə elmlər doktoru Muxtar Kazımoğlunun və elmi şura üzvlərinin rəngarəng suallarını cavablandırmalı oldu.
Qeyd edək ki, Türkiyə türkcəsində səlis danışan xanım Raqaqnin verilən sualları mütəxəssis səriştəsi ilə cavablandırdı və bir müddət Azərbaycanda qalaraq sözügedən problemin araşdırılmasına əmək sərf edəcəyini söylədi.
![](images/29.4.2014-4.JPG)
![](images/29.4.2014-6.JPG) |