15.11.2013
“I Uluslararası Türk Harp Edebiyyatı” adlı beynəlxalq elmi konfrans keçirilmişdir
![](images/qumru.JPG) |
Qumru Şəhriyar |
AMEA Folklor İnstitutunun “Dədə Qorqud” şöbəsinin əməkdaşı Qumru Şəhriyar 1-3 noyabr 2013-cü il tarixdə Türkiyənin Çankırı şəhərində keçirilən “I Uluslararası Türk Harp Edebiyyatı” adlı beynəlxalq elmi konfransda iştirak etmişdir.
Konfransda Türkiyədən, Misirdən, Makedoniyadan, Koreyadan, Qırğızıstandan və türk dünyasının dörd bir yanından nümayəndələr iştirak edirdi. Azərbaycanı bu konfransda 4 nəfər təmsil edirdi. Bunlardan üç nəfəri AMEA Ədəbiyyat İnstitutunun, bir nəfəri isə AMEA Folklor İnstitutunun əməkdaşı idi.
Konfransda Çanaqqala savaşı, Çaldıran savaşı, Sarıqamış faciəsi, Navarin faciəsi, və s. bu kimi tarixi hadisələr göz önünə gətirilərək Osmanlı İmperiyası zamanı baş vermiş müharibələrin ədəbiyyatda özünəməxsus şəkildə əks etdirilməsindən bəhs edilmiş və bu mövzularla bağlı məruzələr dinlənilmişdir. Hərb ədəbiyyatı mövzusu ədəbiyyat tarixi üçün yeni olduğundan konfrans Türkiyə mətbuatı və ictimayət tərəfindən maraqla qarşılanmışdır.
Qumru Şəhriyar konfransda “1828-1829-cu illərdə Osmanlı-rus müharibələri zamanı yaranan ədəbiyyat” mövzusunda məruzə ilə çıxış etmişdir. O, öz məruzəsində xalqın baş vermiş müharibələrdən təsirlənərək yazdığı dastan və şeirlərdən bəhs etmiş, Ahunun “Önüncə” dastanını təhlil etmiş, Bayburtlu Zihni Əfəndinin müharibənin təsirinə məruz qalan faciələrlə dolu həyat yolunu və yaradıcılığını, aşıq Köprülüoğlunun Osmanlı-rus savaşında iştirak etməsini və bu savaşdan təsirlənərək yazdığı şeirləri və xalq şairi Şəm`inin həyat və yaradıcılığını, müharibəyə həsr etdiyi şeirlərini işıqlandırmışdır.
|