20.5.2013
Əməkdaşımızı təbrik edirik!
Mədəniyyət və Turizm Nazirliyində "Qızıl Kəlmə" Ədəbi Mükafatı Komissiyasının yekun iclası keçirilib. 2013-cü il üzrə müsabiqəyə 4 nominasiya üzrə (nəsr, poeziya, ədəbi tənqid və publisistika və orijinaldan bədii tərcümə) 30 əsər təqdim edilib. Təkliflər ümumiləşdirilib səsə qoyulduqdan sonra qəbul edilmiş qərara əsasən qaliblərə aşağıdakı nominasiyalar üzrə mükafatlar təqdim olunmuşdur: Mustafa Çəmənlinin "Ölüm mələyi", Pərvinin "Qar yağacaq"; Poeziya nominasiyası üzrə Adil Cəmilin "Yurd yerim – dərd yerim", Elçin İsgəndərzadənin "Qürbət hücrəsində"; Ədəbi-tənqid və publisistika əsərləri üzrə Rüstəm Kamalın "Sözü işığa danışdım", Əsəd Cahangirin "Kim yatmış, kim oyaq?"; Bədii tərcümə nominasiyası üzrə Elxan Zal Qaraxanlı, Akif Əhmədgil "Kuman nəğməsi" kitabları qalib elan olunub.
Qaliblərin sırasında institutumuzun əməkdaşı Adil Cəmil də vardır. Onu və digər qalibləri ürəkdən təbrik edirik.
|