9.4.2013
AMEA Folklor İnstitutunun əməkdaşları Fetihe Qurultayında
(4-cü Uluslararası Türk Dünyası Kültür Qurultayı
(Türkü, Türkülerimiz, Öyküleriyle Türküler Sempozyumu)
2013-cü il martın 21-24-də Türkiyənin Fethiyə şəhərində Fethiyə Bələdiyyəsi ilə “Halk Kültürü Araştırmaları Kurumu”nun birgə ərsəyə çatdırdıqları “4-cü Uluslararası Türk Dünyası Kültür Kurultayı” keçirildi. Qurultay çərçivəsində “Türkü, Türkülerimiz, Öyküleriyle Türküler” adlı Simpozyum düzənləndi.
Novruz günlərində Fethiyəyə 24 ölkədən 100-ə qədər elm adamları toplandı. Azərbaycan, Ukrayna, Türkmənistan, Özbəkistan, Makedoniya, Macarıstan, Qırğızıstan, İraq, İran, Hollandiya və digər ölkələrin elm adamları bir araya gələrək maraqlı məruzələrlə çıxış etmiş və ortaq türk mədəniyyətimizə, folklorumuza aid yeni məlumatlarla paylaşdılar.
Simpozium dəniz sahilində Novruz bayramının təntənəli şəkildə qarşılanmasıyla başladı. Beşkaza meydanında od üzərindən atlanma, dəmir döymə, yumurta qırma kimi yarışmalar qonaqlarda əsl bayram əhvalı yaşatdı.
Bayramın davamında Fethiyə Bələdiyyə başqanı Behçet Saatçıya müxtəlif ölkələrin elm-sənət adamları bayram sovqatlı hədiyyələr təqdim etdilər.
Azərbaycan Milli Elmlər Akademiyasının Folklor İnstitutunu Nübar Həkimova, Vüsal Səfiyeva, Vildan Əsgərova, Gülüstan Bayramova və bu sətirlərin müəllifi təmsil edirdi. Folklor İnstitutu adından təqdim olunan bayram xonçası xüsusi minnətdarlıq hissiylə qarşılandı.
![](images/naile-2.JPG)
Qonaqların böyük marağına səbəb olan daha bir məqam H.Nurgül Begiçinin ənənəvi Türk Keçəçilik sənəti sərgisinin açılışı oldu. Sərgi salonunda sənətçinin qədim xalq sənəti sayılan keçə sənətinə aid qeyri-adi əl işləri nümayiş etdirildi. Sənətçinin keçə üzərində müxtəlif səpkidə və məzmunda rəngli calarlarla fikir və düçünçələri öz əksini tapıb.
Elmi məruzələrlə dolğun oturumlarla Sempozium öz işini üç gün davam etdirdi. Prof.Dr. Ali Osman Öztürk (Türkiyə), Prof.Dr. Naciye Yıldız (Türkiyə), Dr. Janos Sıpos (Macarıstan), Prof.Dr.İlseyar Zakirova (Tatarıstan), Dr. Fadil Hoca (Makedoniya), Doç.Dr. Fedora Arnaut (Ukrayna), Dr. Mehmet Tütüncü (Hollandiya) şair-yazar Nail Tan (Türkiyə), Prof.Dr. Gülnaz Abdullazadə (Azərbaycan), Prof.Dr. Cəlil Nağıyev (Azərbaycan), Prof.Dr. Əbülfəz Amanoğlu (Azərbaycan), Prof.Dr. Tarih Dostiyev(Azərbaycan), Prof.Dr. Tərlan Quliyev (Azərbaycan) və başqaları dərin məzmunlu çıxışlarında türk dünyasının müştərək türkülərinin mətn, dil üslublarını, melodik xüsüsiyyətlərini diqqətə catdırdılar. Bu arada İzmir Dövlət Türk Dünyası Dans və Müzik Topluluğunu və şeir gecəsini qeyd etmək istərdim.
![](images/naile-1.JPG)
Yadda qalan anlardan biri də Türk Halk Kültürünə Hizmət Ödüllərinin verilməsi oldu. Ödülün biri Ukraynalı Doç.Dr. Feodora Arnauta, digəri isə Azərbaycan Televiziyasının “Turan” proqramına, proqramın rəhbəri Zərnişan Azayevaya təqdim edildi.
Yüksək səviyyədə təşkil olunan və son dərəcə nizamlı şəkildə düzənlənən qurultay Fethiyə Bələdiyyə başkanı Dr.Behçet Saatçının, “Halk Kültürü Araştırmaları Kurumu”nun başqanı Prof.Dr. İrfan Nasrattınoğlunun böyük əməyi və səyi nəticəsində ərsəyə gəldi.
Hər bir yeni Simpozium yeni elmi fikir, elmi polemika nəticəsində yeni ortaq mövzuların üzə cıxmasına səbəb olur. Bütün bunlar isə elmin inkişafına, milli dəyərləmizin qorunub saxlanmasına xidmət edir.
![](images/naile-4.JPG)
Nailə Rəhimbəyli
|