«Epos. Nəsr. Problemlər» kitabı işıq üzü görüb
![](images/epos.JPG) Azərbaycan Milli Elmlər Akademiyası Folklor İnstitutunun direktoru, filologiya üzrə elmlər doktoru Muxtar (Kazımoğlu) İmanovun «Epos. Nəsr. Problemlər» kitabı işıq üzü görüb. (Bakı, «Elm və təhsil», 2012, 164 səh.) Kitab Folklor İnstitutu Elmi Şurasının qərarı ilə nəşr olunub.
Kitabda ayrı-ayrılıqda epos və nəsr problemlərinə toxunulur, həmçinin çağdaş nəsrin mifologiya və folklordan gələn bəzi modellərindən bəhs olunur.
Kitab iki bölmədən ibarətdir. I bölmə «Epos» adlanır, burada «Dədə Qorqud»: gülüş kultu və obrazın ikiləşməsi», «Mənfi əvəzedici», «Yalançı qəhrəman», «Koroğlu»: problemlər, mülahizələr», «Nəsr» adlanan II bölmədə isə «Daxili monoloq», «Elmi-texniki tərəqqi və nəsr», «Çağdaş nəsr və folklor» kimi elmi məqalələr təqdim olunur. Kitabın elmi redaktoru filologiya üzrə fəlsəfə doktoru Ləman Süleymanovadır.
M.İmanov «Müasir Azərbaycan nəsrində psixologizm» (1991), «Gülüşün arxaik kökləri» (2005), «Xalq gülüşünün poetikası» (2006), «Folklorda obrazın ikiləşməsi» (2011) adlı monoqrafiyaların müəllifidir.
|