Ramiz Əskər beynəlxalq mükafata layiq görülüb

AMEA Folklor İnstitutunun əməkdaşı, professor Ramiz Əskər Bəkir Çobanzadə adına Beynəlxalq Fondun mükafatına layiq görülüb. Bu münasibətlə fond direktoru ona məktub göndərib. Məktubda deyilir:

Hörmətli professor Ramiz Əsgər!

Böyük məmnuniyyətlə Sizə çatdırıram ki, Komissiyasının 22 aprel 2012 tarixli qərarı ilə Siz “Krım tatar ədəbiyyatında əsərlərin ən yaxşı tərcüməsi” nominasiyasında “Bəkir Çoban-zadə. Seçilmiş şeirləri” kitabına görə Bəkir Çobanzadə adına Beynəlxalq Fondunun mükafatı ilə təltif olunmusunuz.
Mükafatın təltifi 25 may 2012-ci il tarixdə Krım Muxtar Respublikasının (Ukrayna) Beloqorsk (Karasubazar) şəhərində keçiririlən “Bəkir Çoban-zadənin dünyası” Beynəlxalq Türkoloji Konfransı çərçivəsində olacaq.
Təntənəli mərasimdə Krım Muxtar Respublikasının Ali Sovetinin deputatları və hökumət nümayəndələri, eləcə də Respublikanın elmi və yaradıcı ictimai xadimləri iştirak edəcəklər. Tədbirə həmçinin, Azərbaycanın Ukraynadakı Fövqəladə və Səlahiyyətli səfiri həmçinin Azərbaycanlıların Krımdakı Cəmiyyətinin sədri dəvət olunacaq.
Eləcə də professor Z.Abdirəşidov (Özbəkistan) “İsmail Qasprinski və Türküstan XX əsrin əvvəllərində: əlaqələr, münasibətlər, təsirlər" kitabına görə, dosent V.Polyakov (Krım, Ukrayna), "Böyük Vətən müharibəsi haqqında dəhşətli həqiqət. Partizanlar “Gizli” qriftsiz” kitabına görə, professor D. Kolodjeyçik “Krım xanlığının tarixi” kitabına görə mükafatla təltif olunacaqlar.
Bəkir Çobanzadə adına Xeyriyyə Fondunun təsisçisi cənab R.R.Velilyaev adından və Fondun İdarə Heyətinin adından nüfuzlu mükafata layiq görülməyiniz münasibətilə təbrik edir və Sizi təntənəli mərasimdə iştirak etməyə dəvət edirik.

Hörmətlə,
A.R Əmirov,
B. Çobanzadə ad. Xeyriyyə Fondunun direktoru