Folklor İnstitutunda Novruz bayramına həsr olunmuş tədbir keçirilib

Martın 19-u 2012-ci ildə Folklor İnstitutunda Novruz bayramına həsr olunmuş tədbir keçirilib.
Tədbiri giriş sözüylə AMEA Folklor İnstitutunun direktoru, filologiya üzrə elmlər doktoru Muxtar İmanov açıb, institut əməkdaşlarını bayram münasibətilə təbrik edib, Novruzun xalqımızın tarixində özünəməxsus rolundan danışıb.
İnstitutun əməkdaşları Akif Azalp, Adil Cəmil, Nizami Muradoğlu və başqaları Novruz bayramı münasibətilə təbriklərini çatdırıblar. İnstitutun həyətində bayram tonqalı qalanıb.
İnstitutun «İrs» folklor ansamblının ifasında bayram ruhlu mahnılar səsləndirilib.