AMEA FOLKLOR İNSTİTUTUNUN QƏRARI İLƏ
ÇIXAN KİTAB MÜKAFAT ALDI
31 avqust - 3 sentyabr 2010-cu il tarixdə Kişinyevdə Avropa Birliyi Konsiliumunun İnformasiya Bürosu və Moldaviya Yazarlar Birliyinin birgə təşkil etdiyi 19-cu Beynəlxalq Kitab Yarmarkasında AMEA Folklor İnstitutu və Moldova Elmlər Akademiyasi Filologiya İnstitutunun birgə qərarıyla çap olunan “Gaqauzluq: kültüra, ruh, adətləri. (Qaqauz folkloru)” kitabı pul mükafatına və diploma layiq görülmüşdür.
Azərbaycanı candan sevən qaqauz dramaturq şairi və tədqiqatçısı “Ana sözü” qəzetinin direktoru Todur Zanetin tərtib etdiyi və ön söz yazdığı “Gagauzluk: kultura, ruh adetlar (Qaqauz folkloru)” kitabı AMEA Foklor İnstitutunun sifarişi ilə hazırlanmışdır.
![](images/eli-samil-3.jpg)
Kitaba İnstitutumuzun direktoru, filologiya elmləri doktoru, professor Hüseyn İsmayılov elmi redaktorluq etmiş və ön söz yazmışdır. Moldoviya və Rumınya Elmlər Akademiyalarının akademiki M.İ.Cimpoinin, filologiya elmləri doktoru L.S.Çimpoeşin və tarix elmləri doktoru D.E.Nikoğlonun rəyçi olduğu bu kitabın məsləhətçisi AMEA Folklor İnstitutunun Xarici əlaqələr bölməsinin müudiri Əli Şamildir.Kitabın nəşrini maaliyyələşdirən isə TİKA olmuşdur.
Yüksək bədii tərtibatla çap olunmuş kitabda zəngin folklor materialları toplandığından Azərbaycanın elm adamlarının və ziyalılarının da işinə çox yarayacaqdır.
Onu da xatırladaq ki, bu il qaqauz şairi Todur Zanet üçün də uğurlu olmuşdur. Onun Azərbaycanda seçilmiş şeirləri çap olunmuş və Moldoviya hökumətinin “Gloria Münjii” mükafatını almışdır. Aynur Qəzənfərqızı
AMEA Folklor İnstitutunun
Xarici Əlaqələr Bölməsinin əməkdaşı
Mövzu ilə bağlı aşağıdakı linklərə bax:
http://comrat.md/index.php?option=com_content&view=article&id=1001:-lr&catid=17:2009-12-03-14-46-44&Itemid=77
http://www.youtube.com/watch?v=Y3TDAoMHiKE |