VÜSAL ARİF qızı SƏFİYEVA
aparıcı elmi işçi
Mən, Səfiyeva Vüsal Arif qızı 1967-ci il yanvar ayının 21-də Bakı şəhərində anadan olmuşam. Orta təhsilimi S.S.Axundov adına 172 №-li məktəbdə almışam.
1984-cü ildə məktəbi bitirib Dövlət Təchizat Komitəsinin “Azərmaştəchizsatış” idarəsinin “Avadanlıq” şöbəsində məlumat vəsaitinin işləyicisi vəzifəsində əmək fəaliyyətinə başlamişam. 1985-ci idə öz xahişimlə tutduğum vəzifədən azad olunmuşam.
1985-ci ildə Bakı Dövlət Universitetinin “Kitabxanaçılıq” fakültəsinin axşam şöbəsinə daxil olub M.F.Axundov adına Azərbaycan Milli kitabxanasında işə başlamışam. 1991-ci ildə Universiteti bitirmişəm. 1996-ci ilin aprel ayında öz xahişimlə işdən azad olunub Azərbaycan Respublikası Milli Məclisinin Mətbuat Katibliyinə işə daxil olmuşam. Həmin ilin noyabr ayında isə öz xahişimlə işdən azad olunub yenidən M.F.Axundov adına kitabxanaya işə qəbul olunmuşam.
1997-ci ilə qədər orada müxtəlif vəzifələrdə çalışmışam. 1997-ci ildə isə öz xahişimlə işdən azad olunub Azərbaycan Milli Elmlər Akademiyasının Folklor İnstitutunda işə başlamışam. Hal-hazırda həmin İnstitutun “Klassik folklor” şöbəsində aparıcı elmi işçi vəzifəsində çalışıram.
Ölkə daxilində və xarici dövlətlərdə dərc olunmuş 10 elmi məqalə müəllifiyəm. Bu günə qədər respublika və beynəlxalq səviyyəli bir neçə konfransda iştirak etmişəm.
2016-cı ildə “Həmid Araslının folklorşünaslıq irsi” mövzusu adlı dissertasiya işini müdafiə etmişəm.
Elmi əsərlər
