TACİR ŞABAN OĞLU QURBANOV
(TACİR SƏMİMİ)
(20.01.1956, Qərbi Azərbaycanın Ağbaba bölgəsinin Amasiya rayonunun Təzə İbiş kəndi) - Filologiya üzrə fəlsəfə doktoru, Azərbaycan Jurnalistlər Birliyinin üzvü, Azərbaycan Aşıqlar Birliyinin üzvü.
Araşdırmaçı, folklor toplayıcısı və tərtibçisi Tacir Səmimi həm də tarix, etnoqrafiya məsələləri ilə məşğul olur. Onun Ağbaba folkloru ilə bağlı toplayıb nəşr etdirdiyi silsilə kitablarda daim itirilmiş yurd yerlərimizmin nisgili, həsrəti görünür, duyulur.
1984-cü ildə Azərbaycan Dövlət Universitetinin tarix fakültəsini bitirmişdir.
"Ağbaba aşıq mühiti" mövzusunda namizədlik dissertasiyası yazmış və 25 may 2011-ci ildə dissertasiya müdafiə edərək filologiya üzrə fəlsəfə doktoru alimlik dərəcəsi almışdır. Tacir Səmimi 50-dən artıq kitabın elmi redaktoru olmuş, onlarla kitaba "Ön söz" yazmışdır.
"Vedibasar", "Elimiz. Günümüz" qəzetlərinin хüsusi müхbiridir.
1988-ci ildə Qaradağ rayonunun Sahil qəsəbəsindəki 253 saylı orta məktəbdə tarix müəllimi işləmişdir.
2000-ci ildən AMEA Folklor İnstitutunun elmi işçisidir.
Kitabları
1. "Tükənməz sözün, Ağbaba", Bakı. Ozan, 1999.
2. "Duman dağı bürüdü", Ozan-2000.
3. "Ağbaba folkloru" (Hüseyn İsmayılovla birgə) Səda-2003.
4. "Aşıq Nəsib" (Hüseyn İsmayılovla birgə) Səda-2004.
5. "Qədim Oğuz yurdunun Düzkənd kəndi", Bakı, Nurlan, 2005, 336 səh., şəkilli.
6. "Tırınqılar", Bakı, Qərənfil, 2006.
7. "Dingəm dinar"
8. "Bu yan Ağbabadı, o yan Çıldır Qars". Bakı, Nurlan, 2007.
9. "Ağbaba ziyarətgahları" Bakı, Nurlan-2008. 102 səh. 300 tiraj.
10. "Gülsehran", Bakı, Apastrof, 2009, 284 səh., şəkilli.
11. "Zərkənd" Bakı, "Nurlan"-2010. (Qurban Göyçəli ilə ortaqlı)
12. "Qaraçantada bir məscid vardı" Bakı, "Elm və təhsil"-2012. 108 səh., 500 tiraj.
|