Oruc Söhrab oğlu Əliyev
1949-cu il noyabr ayının 10-da Qazax rayonunun Xanlıqlar kəndində anadan olmuşdur. 1974-ci ildə Azərbaycan Dövlət Universitetinin filologiya fakultəsini bitirmişdir. Universiteti bitirdikdən sonra təyinatla Biləsuvar rayonuna getmiş və orada müəllim işləmişdir.
1981-1984-cü illərdə Azərbaycan MEA-nın Nizami adına Ədəbiyyat İnstitutunun aspiranturasında oxumuşdur. 1988-ci ildə “Azərbaycan sehrli nağıllarının ideya-bədii xüsusiyyətləri” mövzusunda namizədlik dissertasiyası müdafiə etmişdir.
2003-2021-ci illərdə AMEA Folklor İnstitutunun elmi işlər üzrə direktor müavini vəzifəsində işləmişdir.
Oruc Söhrab oğlu Əliyev Azərbaycan folklorunun epik janrlarının (nağıl, dastan, qaravəlli, lətifə, rəvayət və s.) tədqiqinə həsr olunmuş iki monoqrafiya və əllidən çox elmi məqalənin müəllifidir. Bir neçə kitabın elmi redaktoru və tərtibçisidir.
Hazırda "Azsaylı xalqların folkloru şöbəsinin müdiridir.