Folklor İnstitutunun əməkdaşı “I Uluslararası Göç və Kültür” Simpoziumunda

1-3 dekabr 2016-cı ildə Türkiyənin Amasya şəhərində “I Uluslararası Göç və Kültür” Simpoziumu keçirilib. Amasya Universiteti və Kıbrıs Balkanlar Avrasya Türk Edebiyyatları Kurumunun (KİBATEK) birlikdə təşkil etdiyi beynəlxalq simpoziumda Türkiyənin müxtəlif unuversitetlərindən başqa Azərbaycan, İran, Əfqanıstan və Şimali Kipr Türk Respublikasını təmsil edən alimlər də məruzələrlə çıxış ediblər. Qədim türk torpaqlarının tarixin hər dönəmındə köçlərin kəsişmə nöqtəsi olduğunu deyən iştirakçılar, əsasən tarixdə köç, tarix öncəsi köç, köç və müharibələr, kino sənətində köç, köç və mədəni uyğunlaşma mövzularına diqqət yönəldiblər.

AMEA Folklor İnstitutunun “Dədə Qorqud” şöbəsinin böyük elmi işçisi Xalidə Məmmədova simpoziumda “Mövlud Süleymanlının “Köç” romanı”” adlı məruzəylə çıxış edib. Məruzədə vurğulanıb ki, sözügedən əsərdə məhz tərəkəmə insanının timsalında folklor örnəklərindən geniş istifadə olunub. Onun “Köç insanı xalqın tarixini, adət-ənənələrini, inanclarını, ulu əcdada bağlılığını, bir sözlə, el ədəbiyyatını – folklorunu qoruyub” - deyə səsləndirdiyi fikir müzakirələrə səbəb olub.