“TEAS” jurnalın redaktoru Neil Vatson Azərbaycan mədəniyyətinin öyrənilməsi ilə bağlı görülən işlərlə yaxından tanış olmaq məqsədilə noyabrın 8də AMEA Folklor İnstitutunun direktoru, AMEAnın müxbir üzvü Muxtar Kazımoğluİmanovla görüşüb. Qeyd edək ki, Ümumavropa qeyrihökumət təşkilatı olan “TEAS” 2008ci ilin noyabr ayında, Taleh Heydərov tərəfindən 2006cı ildə təsis olumuş London Azərbaycan Cəmiyyətinin əsasında yaradılmışdır. Azərbaycanı təbliğ etməklə yanaşı Avropa xalqları arasında iqtisadi, siyasi və mədəni əlaqələri inkişaf etdirmək məqsədi daşıyan bu təşkilatın fəaliyyəti onun “TEAS” adlı aylıq jurnalında işıqlandırılır.

Görüş zamanı M.Kazımoğluİmanov Neil Vatsona Folklor İnstitutunun gördüyü işlər haqqında bilgi verib. Neil Vatson çoxcildlik “Qarabağ: folklor da bir tarixdir” kitabına daha çox maraq göstərdiyini bildirib, kitab haqqında çalışdığı jurnal üçün məqalə hazırladığını söyləyib. Jurnalist eyni zamanda M.Kazımoğluİmanovdan müsahibə də götürüb. Qonaq belə görüşlərin gələcək əmakdaşlığı genişləndirəcəyinə yardımçı olacağını bildirib. N.Vatsona AMEA Folklor İnstitutunun hazırladığı kitablar, Azərbaycan musiqi folkloruna aid albomlar hədiyyə olunub.