Folklor İnstitutunun əməkdaşları beynəlxalq elmi simpoziumda iştirak ediblər
![](images/31.10.2016-1.jpg)
RF Dağıstan Muxtar Respublikası Elmlər Akademiyası Dil, Ədəbiyyat və İncəsənt İnstitutunun təşkilatçılığı ilə 21 oktyabr 2016-cı ildə Mahaçqala şəhərində folklorşünas alim, türkoloq prof. Abdulhamid Acıyevin 75 illiyinə həsr edilmiş “Avroasiya mədəniyyət dialoqu kontekstində Şimali Qafqaz xalqlarının folkloru” mövzusunda beynəlxalq elmi simpozium keçirilib.
![](images/31.10.2016-2.jpg)
İnstitutumuzun əməkdaşı Aynur Qəzənfərqızı plenar iclasda AMEA Folklor İnstitutunun direktoru, AMEA-nın müxbir üzvü Muxtar Kazımoğlu-İmanovun adından alimi təbrik edib. Daha sonra simpoziumda Folklor İnstitutunun əməkdaşları fil.ü.f.d., dos. Sönməz Abbaslı “Qarabağ xalq mahnıları və rəqslərinin spesifikası”, institutun böyük elmi işçisi Aynur Qəzənfərqızı “Abdulhakim Acıyevin qumuq folklorunu öyrənməsi və ona müasir baxış” adlı məruzə ilə iştirak ediblər. Tədbirdə BDU-nun müəllimi, fil.ü.e.d., dos. Allahverdi Məmmədli və ADPU-nun müəllimi, fil.ü.f.d., dos. Məlahət Babayeva da iştirak ediblər. ![](images/31.10.2016-3.jpg) |