Oktyabrın 5-də AMEA Folklor İnstitutu Elmi Şurasının növbəti iclası keçirilib. AMEA Rəyasət Heyətinin qərarı ilə bağlı institutda “Beynəlxalq və ictimai əlaqələr” şöbəsinin yaradılması Elmi Şura üzvləri tərəfindən müsbət qarşılanıb.

   Folklor İnstitutunun fəlsəfə doktoru proqramı üzrə dissertantı Kərimova Xuraman Daşdəmir qızının elmi rəhbərinin dəyişdirilməsi haqqında institutun elmi katibi, fil.ü.f.d., dos. Elçin Abbasov məlumat verib. AMEA-nın həqiqi üzvü Tofiq Hacıyevin vəfatı ilə bağlı dissertantın elmi rəhbərinin AMEA-nın müxbir üzvü Muxtar Kazımoğlu – İmanov təyin edilməsi məsələsinə də Elmi Şura üzvləri yekdilliklə səs veriblər.

  “Sincan–Uyğur folkloru və onun Azərbaycan folkloru ilə səsləşən məqamlarına dair” adlı məruzəsində İnstitutun “Xarici əlaqələr” bölməsinin müdiri Əli Şamil mövzu ilə bağlı əsas məqamlara diqqət yetirib, bölgənin etnoqrafiyası haqqında geniş məlumat verib, sualları cavablandırıb.