M.V.Lomonosov adına Moskva Dövlət Universitetinin nümayəndə heyəti Folklor İnstitutunun qonağı olub

    08 iyun 2016-c ı il tarixində M.V.Lomonosov adına Moskva Dövlət Universitetinin nümayəndə heyəti AMEA Folklor İnstitutunun qonağı olmuşdur. M.V.Lomonosov adına Moskva Dövlət Universitetinin Folklor kafedrasının müdiri, dosent Alpatov Sergey Viktoroviç, həmin kafedranın dosenti Kovnik Vasili Aleksandroviç və M.V.Lomonosov adına Moskva Dövlət Universitetinin Bakı filialının magistratura şöbəsinin əməkdaşı Rodlokov Vyaçeslav Aleksandroviçdən ibarət nümayəndə heyəti M.V.Lomonosov adına Moskva Dövlət Universitetinin Bakı filialının filologiya fakültəsinin rus dili və ədəbiyyatı ixtisası üzrə I kurs tələbələrinin 28.06.2016-10.07.2016 tarixində Folklor İnstitutunda folklor təcrübəsi keçməsi məsələsini müzakirə etmişlər. Folklor İnstitutunun direktoru, AMEA-nın müxbir üzvü Muxtar İmanov MDU-nun Bakı filialının doqquz tələbəsinin Folklor İnstitutunda təcrübə keçməsinin iki müəssisə arasında əlaqələrin inkişafına zəmin yaradacağını bildirmişdir.

    Qonaqlar AMEA Folklor İnstitutunun elmi-tədqiqat istiqamətləri ilə tanış olmuş, görüşdə folklorşünaslıq elminin inkişaf perspektivləri ətrafında canlı fikir mübadiləsi aparılmışdır. MDU-nun nümayəndə heyəti AMEA Folklor İnstitutunda iş şəraiti ilə yaxından tanış olmaq üçün şöbələrə baş çəkmiş və məmnun qaldıqlarını bildirmişlər.

    Görüşün sonunda İnstitutun son nəşrləri qonaqlara təqdim edilmişdir.