Folklor İnstitutunun əməkdaşı beynəlxalq elmi simpoziumda iştirak edib

     AMEA Folklor İnstitutunun “Türk xalqları folkloru” şöbəsinin böyük elmi işçisi, fil.ü.f. d. Tahir Nəsib 12-14 mayda Türkiyənin Kastamonu şəhərində keçirilən «I Milllətlərarası Türkiyə-Azərbaycan münasibətləri» beynəlxalq simpoziumunda iştirak edib.

    Simpoziumda 120-yə qədər məruzə dinlənilib, dünyada gedən müasir proseslər və türk xalqları arasında əlaqələr prizmasından iki ölkə arasındakı münasibətlərin müxtəlif sahələrinə - tarix, ədəbiyyat, turizm, coğrafiya və s. dair fikir mübadiləsi aparılıb. Azərbaycan və Türkiyə arasındakı münasibətlərin öyrənilməsi və perspektivlərinin müəyyənləşdirilməsi baxımından xüsusi əhəmiyyət kəsb edən simpoziumda Tahir Nəsib “ “Sarı gəlin” mahnısının Ural-Altay mifoloji qaynaqları” mövzusunda məruzə ilə çıxış edib. Məruzə simpozium iştirakçılarının marağına səbəb olub.