“Yunus Emre” Beynəlxalq Simpoziumu keçirilib

    13-14 may 2016-cı il tarixində Türkiyənin Ordu şəhərində “Yunus Emre” adlı Beynəlxalq Simpozium keçirilmişdir. Proqrama uyğun olaraq Simpoziumun açılışı Ünyədəki Yunus Əmrə Türbəsində həyata keçirilmişdir. Daha sonra Fatsa Kültür Sarayında Prof.Dr. Ahmet Hakkı Turabi, Yrd.Doç.Dr. Mustafa Demirci və Dr. Fatih Kocanın səsləndirdiyi “Yunus Emre ilahileri” konserti gerçəkləşdirilmişdir.

  Simpozium Altınorduda yerləşən Atatürk Kültür Mərkəzində həyata keçirilmişdir. Burada AMEA Folklor İnstitutunun “Mərasim folkloru” şöbəsinin aparıcı elmi işçisi, fil.ü.f.d., dos. Vəfa İbrahimova “Yunus Əmrə şeirlərində ölüm anlayışının bədii ifadə biçimləri” mövzusunda, “Folklor və yazılı ədəbiyyat” şöbəsinin aparıcı elmi işçisi, fil.ü.f.d. Fidan Qasımova “Yunus Əmrə irsinin Azərbaycanda öyrənilməsi” mövzusunda məruzələr etmişlər.