Koreyalı türkoloq Folklor İnstitutunun qonağı olub

    Fevralın 19-da Cənubi Koreyadan olan türkoloq prof. dr. Oh Eun-Kyunq AMEA Folklor İnstitutunun qonağı olub. AMEA Folklor İnstitutunun direktoru, AMEA-nın müxbir üzvü Muxtar Kazımoğlu-İmanov qonağa Folklor İnstitutunda görülən işlər barədə məlumat veib. Söhbətdə türklərlə koreyalıların tarixi bağlılıqları, qədim dillərində, mədəniyyətlərində yaxınlıq olduğu vurğulanıb.

   Bildirək ki, xanım-türkoloq bir müddət Özbəkistanda çalışıb, Altay dastanları ilə Koreya dastanlarını müqayisəli şəkildə araşdırıb. O, Azərbaycanla Koreya arasında bu sahədə əlaqələrin qurulması və genişləndirilməsi istəyindədir.

    AMEA Folklor İnstitutunun direktoru, AMEA-nın müxbir üzvü Muxtar Kazımoğlu-İmanov qarşılıqlı əməkdaşlıqla bağlı fikirlərini bölüşüb.

    Söhbətdə institutun Xarici Əlaqələr bölməsinin müdiri Əli Şamil, prof. Vaqif Sultanlı, institutun elmi katibi, fil.ü.f.d. Elçin Abbasov iştirak ediblər.

   Muxtar Kazımoğlu-İmanov qonağa institutun buraxdığı bəzi kitabları hədiyyə edib.