Yeni kitab: “Koroğlu”nun şeir dili
![](images/6.2.2001.jpg) Fil.ü.e.d., prof. Əzizxan Tanrıverdinin “Koroğlu”nun şeir dili” kitabı işıq üzü görüb. Kitabın redaktoru AMEA-nın müxbir üzvü, f il.ü.e.d., prof. Muxtar Kazımoğlu (İmanov), rəyçilər f il.ü.e.d., prof. Ramazan Qafarlı, fil.ü.e.d., prof. Məhərrəm Məmmədli, fil.ü.e.d. Seyfəddin Rzasoy, İlham Abbasovdur.
Monoqrafiyada “Koroğlu” eposunun şeir dili tədqiq edilir, obrazlılığın fonetik, leksik və qrammatik səviyyələrdə təzahürü sistemli şəkildə araşdırılır, ümumilikdə bu şeirlərin semantikasını şərtləndirən detalların hər birinə münasibət bildirilir, “Koroğlu” dastanının “Dədə Qorqud kitabı”nın məntiqi davamı kimi meydana gəlməsi tutarlı dil faktları ilə əsaslandırılır, eyni zamanda şeir parçalarında rast gəlinən arxaik dil vahidləri tarixi-linqvistik müstəvidə təhlil süzgəcindən keçirilir. |